Павлодар облыстық әмбебап ғылыми кітапханасы 1996 жылы 100 жылдық мерейтойын атап өтті. Павлодар облысының әкімі Д. Ахметовтың жеке ұйғарымымен кітапханаға бұрынғы Саяси ағарту үйінің ғимараты берілген. Сол жылы кітапханаға ірі қазақ ақыны Сұлтанмахмұт Торайғыровтың атын берген.

Ак. Сәтпаев көшесінде ақын С. Торайғыровқа ескерткіш орнатылған. Ескерткіш іргетасы қызыл және қара граниттан, қоладан жасалған. Мемориалдың фоны болып табылатын, көркем мұражайдың қабырғасы екi сюжеттi бедерлермен толтырылған,авторы жас дарынды мүсiншi Мұрат Мансуров. Әрбір бет-бедердің биіктігі 3 метр, ені 6 метр. Ескерткiш қарағай жанында тұрған ақынның қола мүсінін көрсетеді.

С. Торайғыровтың атымен Павлодар қаласында көше аталған. Қаланың солтүстік бөлігінде орналасқан. 1993 жылға дейін Куйбышев көшесі аталған. XXғ 30 жылдарының соңында құрылған. Қазақ ақыны С. Торайғыровтың (1893-1920) туғанына 100 жыл мерейтойына байланысты өзгертілген.

С. Торайғыров атындағы Павлодар мемлекеттік университеті (ПМУ) – тек Павлодар облысында ғана емес, сонымен қатар Республикадағы, мәдени және ғылыми, білім орталығы саналатын Қазақстанның ірі университеттерінің бірі болып табылады. Бұл ғылыми-зерттеу жұмыстары 8 факультет базасында және 11 ғылыми тәжірибелік орталықтар, консалтинг орталығы және студенттiк конструкторлық бюрода жүргізілетін ірі білім және ғылым орталығы.

Торайғыр көлі Қазақстандағы Павлодар облысының Екібастұз қаласынан 150 км қашықтықтағы, Баянауыл ауылы маңында орналасқан. Бұл ауданның бас назар аударарлығы шексіз дала ортасында өсетiн таулары болып табылады.

                   
 
Павлодар қ., С. Торайғыров атындағы Павлодар мемлекеттік университеті